Компьютерийн программ хангамжийн Microsoft корпораци мэдээллийн хайлтын Yahoo системийг худалдан авах дахин нэг оролдлого хийжээ. Одоогоос 2 долоо хоногийн өмнө Microsoft фирмийн санал болгосон 30 тэрбум еврог Yahoo хүлээж аваагүй ч, Microsoft Yahoo-д дахин нэг санал тавьсан байна. Энэ саналаар бол Microsoft Yahoo бүхэлд нь худалдан авахгүй, харин Google-ийг гүйцэж түрүүлэхийн тулд онлайн зар сурталчигаан дээр хамтран ажиллах гэнэ. Ингэж хоёр компанийг нэгтгэх санаа анх тэрбумтан Carl Icahn Yahoo фирмийн захирлуудын зөвлөлийг өөрчилнө гэсэн мэдэгдэл гаргасны дараа энэ саналыг тавьж байгаа юм байна.  Өнгөрсөн 2007 оны байдлаар Google өөрийн хэрэглэгчдийн тоогоороо дэлхийд тэргүүлэгч болсон юм.